XX. mendeko Euskararen Corpus estatistikoa
Testuingurua
- Studsy Burkeren Pigiron Club izeneko batean - esan nion, eta helbidea eman.
Morelli ere handik dabil.
Julia Wolfen benetazko izena Nancy Kane dela esaten du, eta nobio bat duela Ohion giltzapean, Face Peppler izeneko bat.
- Bai?- tonuarengatik konturatu nintzen bazekiela Peppler eta Juliaren iraganaren berri.
Eta besterik jakin al duzu zure ibilaldi horietan?.
- Nire lagun batek, Larry Crowley, prentsa agentea da, Jorgensen ikusi zuen atzo arratsaldean, Seigarreneko bahitura-etxe batetik ateratzen, Berrogeitaseitik bertan.
- Bai?.
- Ez dirudi nire berriek eragin handirik egiten dizutenik.
Nik....
Mimik atea ireki zuen eta sartu, erratilu batean basoak, whiskya eta ur minerala zekartzala.
- Gustora hartuko zenuketela kopa bat bururatu zait.
Eskerrak eman genizkion.
Erratilua mahaian utzi eta esan zuen: - Ez nuen enbarazorik egin nahi - irribarre egin zuen gizonezkoak elkartzen direnean emakumezkoek egin ohi duten bezala, eramankortasun atseginez, eta joan egin zen.
- Zerbait esaten ari zinen - gogorarazi zidan Guildek.
- Ba, zera, uste baduzue ez naizela txukun jokatzen ari, esan egin beharko zenuketela.
Orain arte elkarrekin ibili gara eta ez nuke nahi....
- Ez, ez - esan zuen bizkor Guildek.
Ez dago horrelakorik, Charles jauna - aurpegia piska bat gorritu zitzaion.
Komisarioa atzetik ibili zaigu mugi gaitezen eta nik ere besteak bultzatuko nituen seguraski.
Bigarren hilketa honek zaildu egin dizkigu gauzak - mahaiko erratilura hurbildu zen.
Nola hartuko duzu zuk?.